摩芽雞蛋仔 (已結業)

一直都好想試星星雞蛋仔，因為覺得外型好得意，今次終於有機會試下已經有幾間分店摩芽雞蛋仔，雞蛋仔同格仔餅都係超多款。第一次試左朱古力星星，都幾挺身重手，加上有早餐穀物星星脆米，雖然食落去唔覺得有脆米既味，但咬落去確實會更多脆口，入面朱古力都落得足料，幾好味。之後第二次再黎，$40兩底幾抵買，就一次過買左兩底黎試，唔知點解紫薯星星係灰色既，但入面都多紫薯餡，有紫薯味得來亦唔會過甜，呢底比起其他款甜度會低d，另一底揀左香橙加朱古力既橙星，不過香橙味就有d假，似人工香精。