小方糖甜品 (龍崗道)

营业中

休息中

喺九龍城食完泰國菜之後，心思思想食甜品，所以就openrice搵到呢間喺附近既甜品店。小店有好多甜品選擇，最後叫左一個芒果蛋白燉鮮奶等埋芋圓豆腐花仙草凍。芒果蛋白燉鮮奶d芒果醬好濃芒果味好甜，底下嘅燉鮮奶既奶味完全食唔出😂因為芒果好濃，不過整體嚟講都好好味既。芋圓豆腐花仙草凍就超乎我想像咁好食，佢面頭d冰原來係椰汁冰，d芋圓食落喺有芋頭粒粒喺到，感覺上喺芋頭都過粉嘅感覺，第一次食到呢隻芋圓，真係好好味好鍾意。下面既豆腐花係偏實嘅豆腐花，我甚至覺得似啫喱質地，不過食得出濃濃豆漿味，最底下嘅仙草凍係我鍾意既豆花形仙草，唔係涼粉咁硬個隻。所以我俾哩個甜品5星！一定會再encore。