滿天星 (已結業)

📍滿天星 (銅鑼灣)銅鑼灣駱克道491-499號京都廣場4樓🐓燒春雞配忌廉焗薯仔及野菌燒汁$179足足俾隻半隻燒雞我哋，份量都叫做幾大份，雞皮都燒得唔錯同脆口。要讚一讚個焗薯仔夾野菌燒汁，個味道好濃郁，配埋啲雞肉一齊食都幾夾！ 至於雞肉方面，雞肉都幾多，實肉，唔會淨係得雞骨！🐟香煎石斑魚柳配意大利米餅及蕃茄忌廉汁$189石斑魚好爽口，好多肉，好厚身，會令人繼續想食！蕃茄忌廉汁都好出色，每一啖攞嚟送石斑魚柳係一個唔錯嘅選擇，都幾夾！ 小編第一次食意大利米餅，感覺上都幾特別。 叫咗兩杯嘢飲，🌹洛神花玫瑰味+$15洛神花玫瑰茶好香，好撲鼻，飲落去嘅時候有一種酸酸嘅感覺，小編自己就好鍾意呢種酸酸地嘅味道。☕️伯爵茶+$15都幾清新嘅味道，但唔知大家鍾唔鍾意。🎸好可惜今晚冇live Band聽， 每個星期四五六，6:30pm 都會有live音樂聽，如果下次去呢間餐廳食飯嘅時候，希望大家可以聽到。🔔總結：依間西餐嘢食都唔錯，員工超級nice，價錢係可以接受。 環境簡直一流，大家下次可以選擇坐出邊。 地點⭐️⭐️⭐️⭐️⭐️味道⭐️⭐️⭐️⭐️環境⭐️⭐️⭐️⭐️ ⭐️服務態度⭐️⭐️⭐️ ⭐️（5星為最高分）