牛魔一人燒肉

营业中

休息中

今日黎到旺角行街搵食，同閨蜜行到累累地就搵間餐廳休息下，食下野，比我地發現左呢間餐廳，食法幾特別，就入黎試吓啦。首先我地點左兩個餐，一個係A9，牛舌，牛五花，牛板腱套餐（牛魔三重盛宴）配牛魔蘭王鵝肝炒飯，每個餐都可配三種醬料，有好多種可以選擇，呢個餐就選左蘋果燒汁，柚子燒汁，檸檬鹽。呢三種醬料都十分特別，其他餐廳都未見過，非常有驚喜。三款牛肉都好新鮮，入口即溶，非常好味😋。牛肉係放係鐵絲網道燒，鐘意幾成熟自己話事，非常好玩新奇又好味，一次過滿足三個願望。第二個餐係A11，和牛肉眼，西班牙黑毛豬頸肉套餐（和牛自慢系列）配手折純蟹粉蟹黃蘭王拌飯。醬料方面就選左黑松露燒汁，黑椒鹽醬，韓國辣汁。呢個拌飯就係無得頂，世界級享受。飲品方面就選左乳酪特飲同咪柑橋特飲，兩杯都少甜容易入口又唔會好邪惡，十分適合女士們。