九井壽司 (已結業)

今日黎MegaBox有兩樣嘢要做，1要黎宜家傢俬買嘢，2要黎九井壽司體驗下新幹線😍😍。落單簡單，iPad點餐就得，餐牌分類做得幾好，容易搵到想要的食物。鹿兒島醬燒豬軟骨烏冬主食叫左個豬軟骨烏冬，賣相不錯，而且好大碗，配料都好多，豬軟骨煲到好入味而且夠淋，入口即溶。味道不錯👍燒鯖魚每次食日本嘢都必點嘅食物，都冇令我失望，夠大條，而且魚肉冇乜骨，淋上醬汁更有風味。三文魚加州卷卷物揀左三文魚加州卷，表面有沙律醬，食落開胃，而且食材相當新鮮，下次會再試。三文魚腩壽司&三文魚刺身三文魚刺身好厚好大塊！食落都新鮮，大大塊魚生入口真係好滿足。🥰炸雞軟骨雞軟骨係即叫即炸，上枱時熱辣辣，炸到卜卜脆又唔油。兩個人都係食左三百蚊左右，抵食食材新鮮而且坐得舒服😌。