影片
更多
2023-03-28
843 浏览
Pancake House HoiHoi 📍九龍灣宏照道38號企業廣場5期Megabox 1樓19-20號舖呢日同朋友行完megabox，睇咗好多玩具同扭蛋，心情大好！於是我哋決定去返餐甜嘢，延續呢份開心。我哋好早之前就有bookmark呢間食pancake嘅餐廳，今次難得嚟到九龍灣，5點幾嘅時間又唔洗點等位，所以就喺度食咗個early dinner！ 💰$158Hoihoi Veggie All Day Breakfast 🍳 我哋去呢日係星期一，見到有個Go Green Menu都想揀返個素嘅主食嚟試下。雖然餐廳係pancake專門店，但估唔到熱食都幾正喎！我叫咗呢個veggie all day breakfast，佢有素豬柳、素蟹餅、黑松露炒蛋、蘑菇、蕃茄、茄汁豆同沙律菜，淨係個擺盤都已經非常搶眼！兩款素肉製品都好夠味，而且口感同味道真係似足真嘅豬柳同蟹餅，不過食真啲會食到一陣微微嘅豆香，推介比較抗拒食素嘅朋友一試。至於其他嘅配菜，我最鍾意就係個黑松露炒蛋，蛋炒得好滑，配埋黑松露嘅芳香，食到一啖接一啖！ 💰$148砰砰水果梳乎厘班戟 🥞本來我哋都煩惱緊揀邊款soufflé pan
📍九龍灣宏照道38號企業廣場5期Megabox 1樓19-20號舖
呢日同朋友行完megabox，睇咗好多玩具同扭蛋，心情大好！於是我哋決定去返餐甜嘢，延續呢份開心。我哋好早之前就有bookmark呢間食pancake嘅餐廳，今次難得嚟到九龍灣，5點幾嘅時間又唔洗點等位，所以就喺度食咗個early dinner！
[價錢 Price]
💰$158
Hoihoi Veggie All Day Breakfast 🍳
我哋去呢日係星期一，見到有個Go Green Menu都想揀返個素嘅主食嚟試下。雖然餐廳係pancake專門店，但估唔到熱食都幾正喎！我叫咗呢個veggie all day breakfast，佢有素豬柳、素蟹餅、黑松露炒蛋、蘑菇、蕃茄、茄汁豆同沙律菜，淨係個擺盤都已經非常搶眼！
兩款素肉製品都好夠味，而且口感同味道真係似足真嘅豬柳同蟹餅，不過食真啲會食到一陣微微嘅豆香，推介比較抗拒食素嘅朋友一試。至於其他嘅配菜，我最鍾意就係個黑松露炒蛋，蛋炒得好滑，配埋黑松露嘅芳香，食到一啖接一啖！
[價錢 Price]
💰$148
砰砰水果梳乎厘班戟 🥞
本來我哋都煩惱緊揀邊款soufflé pancake食，到底揀crème brûlée定係抹茶好呢？呢個時候，店員放低咗個餐牌仔，同我哋介紹有一款新口味嘅soufflé pancake。愛試新嘢嘅我哋立即轉肽叫咗呢個嚟食，上面放有滿滿嘅粒粒鮮果，我位愛生果、愛健康嘅朋友就至鍾意！
Pancake上檯時，店員教我哋點拉起圍邊嘅膠片，呢類甜品睇人介紹就睇得多，自己親手試真係第一次！一拉起膠片，砰砰，啲水果碌晒落嚟。又有得睇，又有得玩，而且仲要好好味，今次真係無揀錯！
佢上面嘅生果有柑、奇異果、提子、藍莓同士多啤梨，全部都切到一粒粒，食起上嚟非常方便。佢嘅生果好新鮮，無再加額外嘅調味，所以有酸有甜，絕無人工甜味！pancake軟熟不在話下，每啖都食到蛋同奶嘅香味，但重中之重係放喺佢上面嘅忌廉，餐廳選用日本輕盈忌廉，口吹輕盈不油膩！雖然係soufflé pancake，但一啖cream，一啖生果，食食下居然有錯覺食緊日式鮮果忌廉蛋糕，大滿足！
(P.S. 似唔似一個溶咗嘅雪人？⛄️)
[價錢 Price]
💰$45
黑芝麻花生醬Latte ☕️
愛嚐新嘅朋友揀咗呢杯比較新奇嘅黑芝麻花生醬Latte，芝麻味香濃，飲落仲有粒粒花生碎，又似飲緊Latte，又似食緊無咁杰食嘅中式糖水，加埋個咁靚嘅unicorn拉花，賞心悅目！
[價錢 Price]
💰$52
草莓沙冰 🍓
而我就緊係揀士多啤梨沙冰啦，顏色鮮艷，真材實料，甜甜哋就最啱我，相信再熱啲嘅時候飲，一定非常解暑！我最鍾意邊飲邊食啲cream，同美式嘅strawberry milkshake比較，我更鍾意呢款清新嘅沙冰！
张贴
