藍象泰國餐廳 (已結業)

平時經過門口覺得呢間野裝修好靚，今日就入去試一試個下午茶先😌下午茶都幾多選擇， 因為唔係太肚餓所以我哋決定買咗個小食套餐非常專業及有禮貌耐心同我地講解餐牌！一嚟到有個鳥籠入面裝住左好多食物，勁吸晴身為女仔嘅我見到一定係打卡影相位首先食咗最低嗰層泰式蝦餅，超香蝦味。另外有子蟹肉沙律卷係出邊真係未食過，好特別。仲有兩隻雀仔鹹鹹甜甜，好得意。最高嗰層甜品不得不讚，本身鍾意食甜野嘅我有意外驚喜泰式辣朱古力餅，食落去都幾辣下，但係辣得來有好香嘅朱古力味。埋單每人唔使100，CP值極高。