蜜滋麻美

营业中

休息中

星期日同老公經過一間手搖飲品店，見佢同一般既好唔同，係台中過江龍，勾起我想飲既心。我地一人一杯，叫左綜合嫩仙草烤奶同可可黑糖珍珠鮮奶，兩杯都叫左少甜。綜合嫩仙草烤奶材料好豐富，有嫩仙草、粉圓、蜜紅豆、燕麥、花生，整體甜度適中，稍甜既係蜜紅豆。因為非常足料，所以每一啖都飲到唔同既配料，仙草好滑溜，粉圓煙韌、紅豆甜甜的、燕麥同花生脆脆地，好有咬口，飲完好滿足又飽肚既一杯手搖飲品。可可黑糖珍珠鮮奶珍珠煙煙韌韌，鮮奶用上十字牌，好飲。可可味撈勻後越飲越出，由飲珍奶變左飲朱古力奶，有兩種層次，正。