吉列牛忌廉烏冬專門店 (百樂中心) (已結業)

今日出咗銅鑼灣搵朋友順便食飯佢就帶咗我嚟到呢間百樂中心嘅吉列牛忌廉烏冬專門店食午餐。我哋叫咗個二人set餐入面包括左吉列牛定食同埋咖喱牛肉烏冬仲有兩杯飲品，之後我哋仲另外叫咗個雞軟骨餃子小食。吉列牛定食入面包括左兩款前菜今次係芝麻醬車厘茄同埋一個芝麻醬凍豆腐，另外仲有個麵豉湯添，啲吉列牛需要自己放上熱石嗰度自己燒，你可以控制自己想食生熟嘅程度，肉質咬外脆內軟，非常不錯。咖喱忌廉牛肉烏冬聽落好似好奇怪，一上枱都有少少嚇親估唔到啲忌廉多到蓋過d烏冬，雖然好邪惡不過d忌廉食落好creamy淡淡嘅忌廉中和左濃烈嘅咖喱味兩者估唔到又幾夾喎。雞軟骨餃子食落就比較平平無奇我自己就唔推介。飲品方面我哋就加錢升級左特飲，包括叫左杯citrus ocean 同 passion punch，前者其實係柚子蜜梳打而後者係熱情果味梳打，食落仲有一粒粒嘅熱情果非常有口感，兩杯飲品都好好飲。