影片
更多
2022-07-27
76 浏览
近呢幾年生酮飲食法大行其道，唔同嘅餐廳都出咗好多生酮餐單可以比大家選擇，呢一間火鍋店最近都推出咗生酮火鍋，打破咗外間一向覺得火鍋就係肥仔餐嘅感覺。我今次就叫咗佢哋新出嘅養生花膠雞湯底配合芫荽皮蛋湯底，佢哋嘅湯底都好足料，特別係花膠雞湯裏便嘅花膠超多，而且裏面都有好多雞肉性價比都好高。我好欣賞呢間餐廳大部份嘅食材都可以以半份或者一份落單，咁樣做除咗唔會嘥嘢食之外，仲可以試多啲唔同嘅餐點同埋控制返自己嘅食量，完全係減肥人士嘅福音！我自己最欣賞佢期間限定既鮮活海蟶，佢哋呢一款嘅蟶子同坊間見到嘅唔同，比較短身但係肥嘟嘟，我上枱嘅時候仲見到佢哋係郁緊保證新鮮！我哋跟返佢嘅指示去燙熟食用超級有鮮味，絕對係必食之選！佢哋嘅肉類質素普遍都唔錯，美國Prime牛小排入口肉香濃而且唔會硬都不錯吃。現炸豆皮一上枱完全見到係新鮮炸起嘅模樣絕無取巧，根據佢嘅指示喺火鍋上面放1分鐘就食得，入口充滿豆香而且好有飽腹感。功夫萵筍夫又係一個好推介嘅材料，佢嘅萵筍片比出邊切到嘅更加薄，只需要喺火鍋到煮30秒就可以食得，入口好軟熟但係亦都保持住一點爽脆 ，就算平時唔食萵筍嘅你我都覺得你會愛上！另外我都特登叫咗佢哋嘅海帶麵，
我今次就叫咗佢哋新出嘅養生花膠雞湯底配合芫荽皮蛋湯底，佢哋嘅湯底都好足料，特別係花膠雞湯裏便嘅花膠超多，而且裏面都有好多雞肉性價比都好高。
我好欣賞呢間餐廳大部份嘅食材都可以以半份或者一份落單，咁樣做除咗唔會嘥嘢食之外，仲可以試多啲唔同嘅餐點同埋控制返自己嘅食量，完全係減肥人士嘅福音！
我自己最欣賞佢期間限定既鮮活海蟶，佢哋呢一款嘅蟶子同坊間見到嘅唔同，比較短身但係肥嘟嘟，我上枱嘅時候仲見到佢哋係郁緊保證新鮮！我哋跟返佢嘅指示去燙熟食用超級有鮮味，絕對係必食之選！
佢哋嘅肉類質素普遍都唔錯，美國Prime牛小排入口肉香濃而且唔會硬都不錯吃。現炸豆皮一上枱完全見到係新鮮炸起嘅模樣絕無取巧，根據佢嘅指示喺火鍋上面放1分鐘就食得，入口充滿豆香而且好有飽腹感。功夫萵筍夫又係一個好推介嘅材料，佢嘅萵筍片比出邊切到嘅更加薄，只需要喺火鍋到煮30秒就可以食得，入口好軟熟但係亦都保持住一點爽脆 ，就算平時唔食萵筍嘅你我都覺得你會愛上！
另外我都特登叫咗佢哋嘅海帶麵，聽講係用海帶製成，麵條裏面全部都係纖維，仲要零卡路里，食落口入口QQ但係又有一點爽脆嘅感覺好得意，我都好推介大家去試下！
飲品方面我都估唔到佢哋有咁多款生酮特製飲品，我今次叫咗生酮雜莓梳打同埋羅漢果茶。兩款入口都香甜味十足冇人工味道，生酮雜莓梳打更加係無糖飲料，店舖用咗生酮代用糖代替一般嘅糖分，令到你打邊爐嘅邪惡感減到最低，大家如果有興趣記得去試吓！
3 浏览
0 赞好
0 留言
张贴
