先黎一個牛油金菇，不錯的。起碼有調味，因為之前試過好多間店都係冇味架！呢間有味，不過個人覺得可以將調味整得均勻一d 因為主要係底果d先重味一d面果個d 就都係冇咩味
呢個原條茄子正好重孜然味，超惹味。而且用筷子一絲絲咁食同大陸果種差唔多。比想像中大份！
蒜蓉包夠脆！夠蒜味，但個底太過「窿」了最特別係佢會放埋原粒蒜頭係碟邊可以食架！
我係一個黑松露迷，有關黑松露嘅所有食物都鐘意食，呢個黑松露蝦多士。都係超級脆而食到中間一大啖都係黑松露味，個人覺得如果將黑松露混埋入蝦多士嘅餡入面就好多，就可以成舊都有黑松露味！
呢個又係黑松露野！呢個超正d芝士味夠哂濃！但呢個黑松露味反而唔夠重。另外個人唔太鐘意食青椒果的d 所以扣少少分。但總括呢個薄餅都幾好味！
燒蒜蓉蠔！幾好超多蒜蓉，而且隻蠔唔會縮哂水。d蒜蓉唔會好辣因為熟哂！
燒牛排都幾出色，我地叫咗5成熟！睇睇圖佢地都燒得幾靚，而且幫我地都切得好靚！口感幾好，味道都夠。
燒雞脾，我最欣賞佢幫我地斬件，方便我地食！味道幾好。但皮唔太夠脆再脆d就好啦。
最最最後3種串燒 其中牛舌真係世界級好味！必試牛舌無論口感同味道斬冇得輸！而豬頸肉個人覺得有一點甜味，但同孜然唔太夾所以扣咗少少分！但佢個肉質係正嘅所以都幾好味。而雞翼都係有果種甜味，如果冇咗呢種甜可能我會比滿分！
總括呢間小店一定要黎食呀！串燒真係冇人可以抗拒😍😍😍
