Metropolitan Cafe (已結業)

買完戲票，大概尚餘半句鐘便開場，這時還未食lunch，馬上找一個地方醫飽肚才入場。在靚女引路下，來了樓下的Metropolitan Cafe，來一頓西餐也好。靚女話好想食沙律，又說呢度既沙律係招牌菜，好正咁話。既然如此，就要一客沙律和半份雞，飲freshly brewed lemonade，兩個人share食。沙律的配料在外面任揀，食咩就由靚女揸旗。佢左指右點下，原來是要了火腿絲、雞絲、洋蔥以及三色椒絲，醬汁方面，就揀千島醬。很大的一兜，如果唔太肚餓的話，兩條友食都夠。蔬菜感覺是很新鮮的，三色椒絲和洋蔥都好爽口，火腿絲、雞絲呢ｄ咁穩陣既材料，衰極有個譜。服務生隨後把雞拿來。我們要的是fine herb做法，香草汁另上。啖啖肉的雞件，至合我口味，雞皮更加不可以錯過。雞脾嫩滑是意料之中，但雞胸都不"鞋”就喜出望外，香草汁味道亦調較得不錯。呷一口lemonade，感覺清新，亦不會太酸，蠻醒胃的！lemonade，salad，chicken，正正是在英國讀書時最常吃的東西。今次呢餐，又令我回憶起在英國讀書時的快樂時光。