金鶴拉麵 (澳門逸園中心) (已結業)

極濃雞白湯拉麵 $138湯底乳白色飲落好濃郁，拉麵好彈牙唔會煮到過淋，而且拉麵好掛湯，個牛蒡炸到脆卜卜好好食，個慢煮雞肉好嫩食落唔會好硬。蠔湯拉麵(黃金蠔) $198蠔湯拉麵個湯底好濃郁嘅蠔味飲落好鮮甜，每一啖拉麵都吸收曬湯底嘅精華，忍唔住飲左好多啖湯，都唔會覺得好口渴想飲水，而個燒生蠔嚟到熱辣辣，好肥美，食落好嫩滑一啲都唔腥，配埋燒生蠔啲醬汁一齊食好惹味。串燒拼盤 $168串燒拼盤好豐富一共有8️⃣款肉，免治雞肉、黑豚肉腸、雞軟骨、牛舌、五花腩、雞腿肉、雞腎、雞翼，燒到外脆內軟，而且唔會燒到好乾，食落帶有鹽香味好好味。明太子雞翼 $48口感酥脆食落外脆內軟，明太子帶少少辣味食起嚟好惹味。