好時沙嗲

营业中

休息中

今日係尖沙咀行完街,好早就去食飯喇,始終都係尖沙咀,怕太多人嘛,唔夠六點鐘就去左搵野食,由於時間太早既關係,我地好似都唔太肚餓咁,咁就叫D小食咁樣喇,叫左依個星洲炒蘿蔔糕同埋半打沙嗲串燒,仲有一個沙拉,D野食都唔錯嫁,而且價錢都真係相當抵食,首先係個星洲炒蘿蔔糕,依個好香口,炒得夠哂香又好惹味,有少少辣,幾岩我地,唔錯,蘿蔔糕口感好好,軟軟地又唔會一夾就散,加埋少少菜莆落去炒,食落唔同口感,又有咬口,口感好有層次,之後就係一個沙拉,同普通個D當然唔同,比較馬拉D既風味,就有豆角, 豆泡,芽菜,油炸鬼,花生等,好多料數唔哂,有魚露同蝦醬既味道,都係有少少辣,食落好香口嫁,同埋佢個花生味好濃,果然唔錯!最後就係半打沙嗲串燒,豬, 雞, 牛都有叫到,肉醃得非常好呀,因為夠哂入味,而且肉質都算鬆軟,食落D香茅同薑D配料味好出,又唔會太濃,沙嗲都幾好嫁,好重花生味唔錯。