享茶

营业中

休息中

好耐之前朋友介紹過新蒲崗有間享茶佢既陳年金桔梳打好好飲，有次去開新蒲崗諗住去試下點知遇著佢無開門.. 今次啱線又去開果邊又醒起就過去望下，好彩今次有開門啦，不過只有外賣室內暫停開放，唔緊要啦，重點係可以買野飲!!見到店面前既介紹好多款都好吸引，而學生重有加油優惠，著住校服或出示學生證就可以減5蚊，真係好貼心呀!!諗黎諗去都係試咗陳年金桔梳打先，見介紹張圖呢杯野係淡黃色既，但實際出黎係可樂咁既色(??) 初頭以為俾錯咗不過望下杯底又真係有好大粒陳年金桔係度 😆😆 開黎飲已經聞到好香既金桔味，重點係好濃厚金桔味，唔係加少少俾你就算數，然後再加上梳打感覺好清爽！如果夏天飲的話就更加爽呀！