海鍋手工涮涮鍋 (已結業)

同朋友一行五人去試新野，食海鮮粥底火鍋。一開始叫左個刺身打底，都幾新鮮。之後上主菜，海鮮，一黎就放得好靚，仲有冰底，可以慢慢食，食左蝦蟹先，好鮮好甜之後食貝殼類，一樣咁正，原先放左d 豉油係到都無用過，已經好夠味。即炸響鈴，大大件，勁正。即炸魚皮都好香，唔油。手打丸都好好味，彈既。煲左咁耐，要食主菜中既主菜，粥底，真係好鮮甜。最後食埋d 牛同菜，飽到呢⋯⋯聽講d 手切肥肉仲正，下次再試。最後埋單每人唔駛四百，抵食，最緊要d 料真係新鮮，希望keep 到水準，下次可以試叫私房菜，見到有房有人食，送餸行過都好香。