韓膳宮 (已結業)

旺角真係好多美食,今次就同朋友去旺角韓善宮韓國料理放題!價錢 price 精選韓燒放題 晚市星期一至四成人168小童128 星期五至日成人178小童138頂級韓燒放題晚市星期一至四成人208小童158 星期五至日成人218小童168我認為韓式放題,呢個價錢性價比好高,另外餐廳仲有午市特價套餐。我哋選擇咗頂級韓燒放題,120分鐘任飲任食。牛肉,美國牛肩肉,美國牛板腱,美國安格斯一口牛粒,美國牛仔骨,牛仔柳扒,牛肝。美國牛肩肉係最好食,牛肉肉質嫩滑,牛肉帶少少脂肪,牛肉味特別香濃加上肉汁豐富,燒出嚟係最好味。頂級海鮮方面,海蝦,半殼帆立貝,生蠔,帶子。生蠔size雖然唔大隻,但係味道好鮮甜,海蝦肉質爽口彈牙,帶子肉身比較厚,食落去好有口感,味道亦都好鮮甜。刺身方面有三文魚,吞拿魚,白玉貝,白玉豚,立魚。立魚味道最新鮮,而且肉質爽口鮮味突出,三文魚亦都好肥美,入口味道鮮甜。另外韓燒配料仲有幾十種,亦都有飯,鳥冬拉麵。韓式小食,炸物。飲品亦都有好多選擇,汽水,啤酒,無糖烏龍茶,綠茶,應有盡有。餐廳空氣流通,唔會好大油煙味。韓善宮地址,旺角通菜街1a至1l號,威達商業