健康齋廚 (已搬遷) 新店位置

同Honey係奧海城睇完Sex and the City，跟住嚟哩到食飯，想嚟咗好耐，終於Honey有時間同我嚟啦！我哋叫咗：雪菜炒三絲套餐＄34（送白飯及例湯：赤小豆扁豆粉葛湯，足料但未夠火候）福果木耳炒翠玉瓜（福果即係白果）豆角素鷄竹笙素翅（足料，好有香菇味，不過Honey懷疑落咗香菇粉）＄20一碗，＄40一窩全部都好有住家feel，新鮮熱辣，冇味精，價錢合理，鐵觀音好香（＄3一位茶），老闆娘好好人，有問必答，兼具好有禮貌，好滿足及幸福嘅一餐，一定會同Honey再嚟。我哋下次要試支竹羊腩煲同炒飯，因為見隔離枱碟炒飯炒得幾乾身，乾炒牛河就油得很，咪攪！食咗＄141，Honey俾咗＄200，餘款助印一本“楊枝金露”嘅書，有關素食健康，食物營養及食譜，記得問老闆娘攞啦！非賣品嚟架。