一坐底睇左一陣餐牌已經落左食物 係一個戴住眼鏡既男侍應幫我地落單
之後坐左好耐都未有食物 而我又坐到口渴所以叫杯熱飲 落飲杯飲品冇耐 位男侍應（一開始幫我地落單果位）問我地有冇叫野食
等咁耐原來冇幫我地落單 果下真係嬲嬲地 ，但唔緊要 我再落一次 
由頭至尾都係果一位男侍應 無論係第一次落單 我叫飲品 定再落單都係果位，我懷疑位男侍應發緊夢:(:(我叫杯熱飲 Honey Lemon 點知送過黎變左杯凍既
位女侍應換番，味道唔錯 唔太甜 有茶香味食物一 ： 招牌年糕 好好味 年糕軟硬度剛剛好，並唔會太辣，啲年糕汁用黎點炸雞都好好味
食物二 ： 無骨炸雞 要半份份量都唔少 夠二個人食 剛剛整好既時候香 脆 唔油 ， 食到最後冇咁脆但都係唔油 只係冇熱嗰陣咁好食，配炸雞果二個醬味道都好好 ，一款炸雞加二款醬食到三種唔同味道
食物三 ： 千層薄餅 味道好一般 蕃茄味好重 我覺得有少少酸 唔係太中意食 ，但中意蕃茄既人應該會覺得好正
服務唔得 但因為好味道所以我會再黎食
以上純粹個人意見
