鋒哥廚房 (已結業)

今日出開元朗先食早餐，見到呢個招牌紅色幾吸引我，見到都係茶餐廳價錢咁就入去試下啦。入到去見到紅啡色主題嘅裝修風格，算係幾新潮嘅茶餐廳裝修。🆕🍳香煎雞扒早餐：包括薯餅，太陽蛋，牛角包🥐首先講下個牛角包真係好鬆脆好有層次，外層似係加牛油去焗，整體唔會過鹹啱啱好。🥔薯餅大塊香脆，同出面質素有得比，嗰種香脆感覺真係好幸福。🐔雞扒夠曬大細煎得香口，外皮少少脆，肉汁滲出嚟都算係煎得成功嘅雞扒，啖啖肉幾入味嘅。最後一杯凍檸茶不過不失。✔️✔️以茶餐廳價錢黎講，呢個算係幾成功嘅西式早餐。