意粉屋 (已結業)

今晚約左男朋友去街, 聽人講意粉屋都幾好食咁, 咁就決定去食下先, 兩個人一齊撐台腳。去到個陣發現重出左新餐牌, 望落好似樣樣都咁好食咁, 最後決定叫左呢幾款來試下。首先, 叫左個哈密瓜風乾火腿伴意大利黑醋, 哈密瓜超甜, 再同風乾火腿連意大利黑醋一齊食, 超好味, 呢個組合來食真係一流!!(心心眼)另外, 叫左個意大利風乾牛肉薄餅, 因為好少地方有風乾牛肉食, 再加埋濃濃嘅芝士係一個絕佳配搭, 同埋個薄脆餅底, 大大推介呢!最後, 見到有魷魚墨汁, 都幾特別, 所以叫左北海道帶子日本魷魚墨汁意大利粉。黎到個陣, 果然, 有大大粒帶子, 食落重要好鮮甜, 重有同埋魷魚墨汁意大利粉一齊食, 都係好好味。