富盈火鍋雞煲專門店 (已結業)

旺角抵食雞煲-富盈雞煲專門店同男朋友放工突然間想食雞煲，經過左旺角嘅通菜街，見到有間富盈火鍋做緊188蚊任食雞煲加韓燒，所以就決定試試佢～由於限聚令嘅關係，唔洗等就入得座。餐廳裝修新淨，坐位非常寬敞，唔似其他鋪頭坐得咁逼。餐廳主打雞煲同韓燒，配料其區有好多食材選擇。另外飲品由茶，到汽水甚至啤酒都係任飲～.🔻雞煲加韓燒價錢：$188 .🔻小辣雞煲味道：7/10雞煲份量算多，佢算多雞翼肉，肉質幾滑，而且食得出雞係煎過先做雞煲，幾好食。我地揀左小辣，真係唔會太辣，最岩食唔到辣嘅朋友～.🔻韓燒味道：7/10餐廳食杯選擇都多，由雞肉到海鮮都有，我地夾左啲雞軟骨，魷魚鬚...等好特別餐廳仲有雞肉串燒俾我地韓燒！.🔻打邊爐味道：7.5/10餐廳有提供湯水俾我啲個雞煲變成邊爐。餐廳有出前一丁烏冬供應，而邊爐嘅配料都算多，基本嘅肉類，牛肉、豬肉同羊肉，丸類都有好多嘅選擇。而菜類亦都有5種揀。餐廳仲有魚皮供應～.另外，餐廳仲有啫喱同雪糕做甜品。