三寶齋素食中心 (已結業)

　　今日又心思思想食齋 , 兩位阿姐仍舊服務態度無得頂 , 好有心機咁話比我知道素紮蹄﹑齋雞係d咩整成 , 結果我就買左齋鮑魚﹑齋叉燒加埋素紮蹄﹑齋雞作為今日既早午餐囉 , 第一次食齋雞原來係有d似玉子豆腐既口感 , 外表望落去以為係煎炸會好油 , 但係食落去味道好清淡 , 至於素紮蹄就好似實左d , 外面個層又乾又硬 , 好彩入面既腐皮有水份先唔難食咋 , 試左咁多款式既齋 , 我發覺自己最愛係齋叉燒 , 可能係因為平時都唔可以食真正既肥叉燒 , 有d假既齋叉燒可以比我滿足一下 , 咁樣一盒野買左$36唔係特別平 , 不過當我諗起禾輋個間齋舖整個d齋既樣貌 , 呢間d齋已經係好好架啦。