麵屋丸京

营业中

休息中

其實經常途經丸京，但從來無幫襯，早兩日見到個日籍youtuber介紹同系嘅另一分店，見佢大讚，心諗牛頭角分店應該都會有一定水準，同太太兩個就行過去試下，去到剛剛開門，好快就入座，店員比低張餐紙就繼續自己忙，麵嘅款式唔太多，另有兩款炸鷄同餃子同太太各自點咗碗麵，都係要期間限定小蝦醬油湯，一個濃湯，一個清湯，加多一份七味炸鷄同餃子，上麵嘅速度都好快，一埋枱就有好濃嘅蝦味，飲一啖，啲蝦味嘭嘭衝入口，嗱嗱趁熱食，好耐都未試過連湯都飲埋，炸鷄同餃子亦有相當水準，食完無口渴，埋單三百，都算合理！午市叫小食仲送汽水，但留意，沾麵係午市限定，夜晚無得食，至於招呼，不過不失吧！