影片
更多
2003-10-28
6 浏览
今晚行開亞士厘道附近，突然醒起呢間餐廰，就同男友兩個人黎試下啦呢度環境裝修都唔錯，幾舒服好啱chatting，特別鍾意佢播啲jazz music,好relaxing食物選擇都幾多，賣點係用有機食物，叫左個三文魚菠菜千層麵同蒜香雞胸野菌有機薏米.個千層麵一黎到就聞到好香，一半係鮮蕃茄打成嘅汁，一半係cream白汁，賣相好吸引，裏面仲有好多菠菜同三文魚，熱騰騰又足料，好正！！個雞胸有兩大塊，係用左啲麵包糠一齊焗，外面有啲脆脆哋，上面有啲炸過嘅金菇（？？）好好味，雞胸下面有啲應該係用上湯煮過嘅薏米同菇菇，煙煙韌韌咁口感幾好，成個菜感覺比較清淡同健康，唔鍾意食雞胸嘅可能會嫌佢鞋同實，但我自己就幾鍾意，可能因為個千層麵比較濃同漏，呢個清清哋都幾好本來想叫甜品但太飽食唔落，有啲意外呢度portion都幾大，同埋好欣賞呢度啲餸菜嘅garnishing做得好好，好有心機，令人食都食得開心啲，埋單唔駛二百蚊，唔算平但計番食物份量同質素絶對值，個人覺得好過晒附近亞士厘道一帶嘅所謂西餐廰服務都唔錯，雖然侍應有點呆呆哋，可能太green吧，但總算有禮貌呢間係近期試過嘅餐廰中最滿意嘅一間，見呢度都好多wine同
呢度環境裝修都唔錯，幾舒服好啱chatting，特別鍾意佢播啲jazz music,好relaxing
食物選擇都幾多，賣點係用有機食物，叫左個三文魚菠菜千層麵同蒜香雞胸野菌有機薏米.個千層麵一黎到就聞到好香，一半係鮮蕃茄打成嘅汁，一半係cream白汁，賣相好吸引，裏面仲有好多菠菜同三文魚，熱騰騰又足料，好正！！個雞胸有兩大塊，係用左啲麵包糠一齊焗，外面有啲脆脆哋，上面有啲炸過嘅金菇（？？）好好味，雞胸下面有啲應該係用上湯煮過嘅薏米同菇菇，煙煙韌韌咁口感幾好，成個菜感覺比較清淡同健康，唔鍾意食雞胸嘅可能會嫌佢鞋同實，但我自己就幾鍾意，可能因為個千層麵比較濃同漏，呢個清清哋都幾好
本來想叫甜品但太飽食唔落，有啲意外呢度portion都幾大，同埋好欣賞呢度啲餸菜嘅garnishing做得好好，好有心機，令人食都食得開心啲，埋單唔駛二百蚊，唔算平但計番食物份量同質素絶對值，個人覺得好過晒附近亞士厘道一帶嘅所謂西餐廰
服務都唔錯，雖然侍應有點呆呆哋，可能太green吧，但總算有禮貌
呢間係近期試過嘅餐廰中最滿意嘅一間，見呢度都好多wine同特式飲品，下次再同幾個朋友黎試試
张贴