更多
2016-12-06
317 浏览
同事话想换吉野家嘅座枱月历,所以今日Lunch就去咗食喇。今次食咗1)深海鱼柳定食深海鱼柳定食只售45元正,有野饮、有面豉汤、有一大碗饭、一大旧炸鱼、两大旧野菜天妇罗饼同一小碗咖哩汁(加汁要加钱),系非常抵食。不过碗咖哩汁少得可怜,点鱼同点野菜饼都要就住食,莫讲话用嚟捞饭食。。。鱼同野菜饼都炸到好油腻,鱼柳本身唔错的,无炸过龙,亦无炸到干哂,ok啦。不过个野菜饼真系超级油腻,一咬落去,啲油就咇哂出嚟,啲油味即刻攻哂上嚟。基本上食完块鱼柳,食多一旧野菜饼,再食多两啖饭已经饱哂。后记:打依篇食评时已经隔咗8个钟,但仲系好滞,而且不断有强烈油味嘅胃气涌上来,感觉好难受。
张贴