影片
更多
2021-01-11
984 浏览
容許我先分享一些"小事"1️⃣去到嘅時候爆晒場 排緊隊 喺咁繁忙嘅情況下 店員仍然保持笑態度好親切 令作為客人嘅我都感受到佢哋係做著享受的事 而唔係純粹打份工2️⃣當日係weekend 等位時間確係有啲耐 期間店員送上小杯avocado milkshake 唔會忽視在場嘅每一位3️⃣坐低咗之後 喺咁chill嘅環境我同朋友準備要駛出港女自拍十八式 繁忙之中 店員留意到都主動過嚟幫我哋影合照 呢位哥哥我記住你啊下我眼泛淚光mode想表示 其實全部都係"小事" 但係的確要細心主動先會做到 作為客人嘅我表示喺咁凍嘅天氣之下 比你哋暖到發燒咁滯🥺好 正題‼️◽吞拿魚厚多士除咗吞拿魚之外 仲有萬惡嘅芝士 mozzarella+cheddar 有拉絲效果之餘仲充滿醎香 加埋蛋黃醬 同吞拿魚根本絕配🧀◾布朗尼配雪糕 Brownie有兩大件 濃濃嘅朱古力味 出色之處係表面焗到少少脆 而入面仲帶啲濕潤效果 雪糕有雲呢拿/草莓/朱古力味比你揀 嫌一球唔夠喉 +$5仲可以要多一球🍨◽焦糖蜂巢脆片Latte◾Hot Latte飲品除咗coffee 仲有果茶/soda/milk... 而我飲嗰杯焦糖蜂巢脆片Latte 唔會過
1️⃣去到嘅時候爆晒場 排緊隊 喺咁繁忙嘅情況下 店員仍然保持笑態度好親切 令作為客人嘅我都感受到佢哋係做著享受的事 而唔係純粹打份工
2️⃣當日係weekend 等位時間確係有啲耐 期間店員送上小杯avocado milkshake 唔會忽視在場嘅每一位
3️⃣坐低咗之後 喺咁chill嘅環境我同朋友準備要駛出港女自拍十八式 繁忙之中 店員留意到都主動過嚟幫我哋影合照 呢位哥哥我記住你啊下
我眼泛淚光mode想表示 其實全部都係"小事" 但係的確要細心主動先會做到 作為客人嘅我表示喺咁凍嘅天氣之下 比你哋暖到發燒咁滯🥺
好 正題‼️
◽吞拿魚厚多士
除咗吞拿魚之外 仲有萬惡嘅芝士 mozzarella+cheddar 有拉絲效果之餘仲充滿醎香 加埋蛋黃醬 同吞拿魚根本絕配🧀
◾布朗尼配雪糕
Brownie有兩大件 濃濃嘅朱古力味 出色之處係表面焗到少少脆 而入面仲帶啲濕潤效果 雪糕有雲呢拿/草莓/朱古力味比你揀 嫌一球唔夠喉 +$5仲可以要多一球🍨
◽焦糖蜂巢脆片Latte
◾Hot Latte
飲品除咗coffee 仲有果茶/soda/milk... 而我飲嗰杯焦糖蜂巢脆片Latte 唔會過甜 等蜂巢脆片慢慢溶入咖啡入面 我覺得越飲越好味☕
價錢方面已經唔係親民咁簡單 係超抵 因為佢嘅大部份嘅食物 再order飲品都會有半價 今次呢度都只係$126 真係有啲過份 如果你真係咁得閒睇得晒呢篇野 麻煩你又抽啲時間過去懲罰佢哋💛💛是的 黃架💛💛
张贴
