祝祝川粵美食

营业中

休息中

一次過試哂2款雞，小朋友先要做選擇，我全都要！-泰味嫩滑雞二人套餐 $108完全冇改錯名！啲雞真係超級嫩滑，連雞胸都唔鞋口，膽粗粗比左舊雞肉比bb食，bb冇牙都食到，仲要追住要！啲雞同配搭嘅泰式甜酸汁好夾。同埋啲醃蘿蔔夠酸又夠甜，好開胃，停唔到口！-海南雞半隻 $55老闆見我睇餐牌嘅時候選擇困難症發作（天秤座嘅死症），完全冇催我，仲叫我慢慢睇，好窩心。老闆介紹佢地嘅皇牌海南雞好有咬口，雞味會重啲，當我番到屋企一試嘅時候，老闆果然冇賣花讚花香，連平時唔食雞皮嘅我都忍唔住食埋啲雞皮，好滑呀！-瑞士雞翼好入味，但唔會死咸，唔好比佢咁深色個樣呃左。好有屋企嘅味道，小食黎講完全唔馬虎！