富寶會所私房菜

营业中

休息中

端午節除咗要食糭之外，一家人齊齊整整一齊出去食飯都好重要！但係大節日喺邊度食嘢好呢？到處都好多人。 九龍城有呢一間私房菜，有好多朋友推介 試試佢啦！真係冇介紹錯👍🏼 地方闊落 坐得好舒服！間餐廳有麻雀枱 🀄️ 唔係一定要去茶樓先可以一邊打牌一邊食飯。好方便 👏🏼👏🏼👏🏼 冬菜蒸馬友 新鮮魚同冬菜蒸埋一齊 味道啱啱好 魚肉好鮮甜 冬菜不會太鹹 太好味啦！ 枝竹班頭腩煲 熱辣辣嘅煲 啲汁配飯啱啱好 魚肉鮮甜 好啱一班人一齊食。 呢間餐廳好適合一大班人一齊過嚟玩，食餐好！又有房又有麻雀枱，大家可以好開心一齊玩！