丼造

营业中

休息中

有時突然想食個魚生丼都唔知有咩選擇 有日朋友推薦我試呢間 #丼造 主要做外賣但係有少量位置可堂食 咁啱呢晚去開上環 就醒起去試吓 見到Menu都有唔少款式 最後選擇咗：✨極上粒粒魚生丼✨拖羅蓉三文魚籽丼同埋最緊要加錢轉嘅魚湯！外賣返到屋企打開好有驚喜 魚生排得好靚而且新鮮 本身包埋一個沙律同埋轉左朋友極推的魚湯～先試一啖魚湯 飲落就明白點解朋友提我一定要試 完全飲得出係足料冇味精 呈少許奶白色 唔腥 而且可以先暖一暖胃 好飲亦都建議要加錢轉👍🏻魚生丼好豐富 粒粒魚生加上蟹籽、三文魚籽同海膽鋪滿飯上面 魚生都好新鮮 切粒好大粒 可以每一啖都食到魚生配飯 好滿足至於拖羅蓉三文魚籽丼幾有層次 拖羅蓉份量好多 油脂感剛剛好 配埋大量三文魚籽 帶有少少鹹香味 十分之夾