麵軒 (已結業)

早兩日同bf去沙田食晚飯, 見到呢間麵軒好似未試過咪入去試下囉...bf叫左個御品牛肉麵(個名好似係咁上下,話攞獎架喎!) $46+$2轉飲品我本身都想試但諗住叫個唔同味所以叫左個蕃茄牛肉麵, 餐黎既, 仲有個兩色小食, 好似係$50咁上下... 再加多個 $18 既2件炸蝦餅... 記得加埋一係$126-$130!!個御品牛肉麵正正正!! (因為平時我係勁鍾意食濃味牛腩麵既人!) 佢個湯勁濃牛味, d牛'展'好'淋', d白羅白又入味! 真係好好好好好味!! *d麵我無試, 係中華拉麵!我個蕃茄牛肉麵都好正, d蕃茄湯好濃好"蕃茄", bf話好酸, 因我平時都幾鍾意蕃茄既酸, 所以覺得好味!! 個麵都ok, 無咩特別, 但係個牛肉好肥囉, 係打邊爐嗰d肥牛, 但真係超肥無咩肉, 所以我比哂我bf食...呵呵~~ 至於個蝦餅係垃圾, 又膠又假又無味, 一d都唔值$18!!!!!至於服務方便無咩特別, 又唔係好差, 係叫個經理埋單時, 佢唔記得左囉!!等我下次試下蕃茄豬軟骨麵同咩鬼豬扒木盆飯先...