鮨政 (已結業)

我地一黎就食佐果沙律先，三文魚牛油果沙律，沙律份量好多，三文魚切到好厚，好肥美，脂肪好多，好鮮甜，牛油果亦都切到一大片，口感好好，加埋其他新鮮嘅沙律菜，同柚子汁，一個好開胃嘅沙律😙😙之後就叫佐啲小食，叫佐炸軟殼蟹同鹽燒車海老，軟殼蟹係原隻去炸，好新鮮好大隻，亦都有膏，所以味道好好，車海老亦都係一大隻咁去燒，蝦肉好爽甜，加咗少少鹽，唔會太鹹，蝦嘅鮮味更加突出，兩個小食都好好食😗😗壽司刺身方面就叫左蔥吞拿魚腩細卷，鰆魚腩壽司同埋螢光魷魚刺身，蔥吞拿魚腩細卷就細細粒，但係每粒都有好多吞拿魚蓉，好足料；鰆魚腩壽司就非常當造，脂肪好多，好肥美，肉質好嫩，好香；螢光魷魚就細細粒一隻，但係竟然會有膏，好鮮甜，好鹹香，全部都超級好食😚😚