韓屋

营业中

休息中

成條金巴利道最多人排隊既韓國菜，咁長龍一於試下。餐廳正宗韓式家常菜，主打有石頭鍋靚湯。湯好多選擇，左揀右揀都係揀左最保守正氣的牛肉雪濃湯🍲，係唔辣既好選擇。熱鍋上湯特別熱辣辣，入口香甜又唔over，好多牛肉同洋蔥🧅浸住真係好甜。配左個韓式炒豬肉拌飯，鐘意佢夠多菜又多配料，飯仲係紫米添，拌埋個必備辣椒醬好夠味，健康又滿足。仲加左份煎餃子🥟同泡菜餃子王，兩款餃子皮都係煙煙韌韌，煎餃煎過面頭仲有脆邊；入口仲食到蒸軟粉絲碎。我鍾意泡菜餃，有泡菜味同碎肉好夾。今餐健康得黎又多菜，值得等位