香辣島 (已結業)

兩個人o黎，叫o左五樣o野：炸蔬菜、咖哩香燒雞、廚師咖哩雞、什果薄餅同埋印度黃飯。味道唔錯~（炸蔬菜），其實得蕃薯同茄子…味道ok 啦! 蕃薯好味d ，但若果d蕃薯可以切厚多d ，口感會更好。（咖哩香燒雞）同（廚師咖哩雞）d 雞都係燒過，兩者d 咖哩味都好出、好香。不過（廚師咖哩雞）就係加o左小小酒入去煮，帶點點苦味；（咖哩香燒雞）除o左一件件無骨雞肉外就連d 汁都充滿雞絲！起初覺得（廚師咖哩雞）好食d，可能較辣~ 不過食落又好似幾鹹，還是（咖哩香燒雞）好味d~ 至於（什果薄餅）同埋（印度黃飯）呢，都唔錯！兩款都不油不膩~ （印度黃飯）雖較淡味，不過就好香印度香料味！而（什果薄餅）原來係甜o既，有d 什果粉同椰絲o向入面，幾得意！o個日我o地揀o左出面d 露天位坐，好舒服又涼爽…可惜呢d 係要付出代價o架‧‧‧Order 完d 食物之後，我竟然發現有條超級恐佈o既毛蟲o係我隔離張椅到，咁我咪即刻fing 開佢囉！點知當我地食食o下o野o個陣，突然發現佢o係張檯上面出現！真係嚇都比佢嚇死呀~ 陰功~~~