Texas Burger (已結業)

今日同男朋友出左旺角行下，上到朗豪坊12樓見到有間burger舖頭，就決定不如試下。佢個場唔算大，都坐左8 9成人，要等左一陣先入得。枱同枱之間無乜太多空位，但個場唔大，都好明白嘅。睇左下餐牌，都有唔少選擇。我地最尾揀左水牛城棒棒雞，熱溶拉可雷特芝士漢堡配薯條，酸瓜同凍檸茶同埋一個脆魚柳墨西哥夾脆皮餅。個雞就上先，配有兩個汁，好熱辣辣同脆，有五件雞都好抵食。之後好快個漢堡就上枱，佢仲會係我地面前加一大片芝士，仲會提返要襯熱食，唔係凍左會唔好食。我地兩個人share一個都好夠食，仲有酸瓜同薯條，好juicy好唔錯。最後已經飽左8成之後再上埋個夾餅，個脆皮好脆，件魚好大件，仲有啲傳統嘅醬，值得一試！最尾埋單兩個人唔駛三百蚊，係旺角嚟講算好抵食，行開不坊一試！