倫哥尚品火鍋私房菜 (已結業)

朋友食過《倫哥尚品火鍋私房菜 》都讚好，所以特意推介我哋一齊去試吓。餐廳環境都幾大，而且有房仔坐，如果一大班人更可以坐圓枱位置。套餐任飲任食，所以我哋即刻出左去雪櫃攞飲品，仲有我最鍾意嘅自家製涼茶-五花茶。前菜木耳同埋四季豆小小酸辣嘅味道，食落去好爽口，而且好開胃。除此之外，刺身拼盤更有我最鍾意嘅三文魚刺身，食落去刺身非常新鮮，而且係半肥瘦的。最後仲有燉湯，非常滋補。餐廳非常體貼，餐紙上寫左點樣去嘆雞煲嘅四步曲，阿嫲雞煲果然好正，好入味，由於太好味，所以我哋六個人食咗兩隻雞。海鮮拼盤中，每一款海鮮都非常新鮮。牛頸脊表面條紋非常平均，半肥瘦好好食。雲吞水餃好大隻皮薄饀靚，食落去啖啖肉。最後仲有甜品🍮牛奶布甸，食落去好香滑，而且有好香濃嘅牛奶味道，呢個餐真係非常滿足呀。