陳記魚蛋

营业中

休息中

今日同老公陪屋企人食完饭就谂住到路德围食个糖水，食完突然口痕痕，好想食下小食，但行左好耐都谂唔到食咩好，本身打算去食豪大大鸡扒，但见到有劲多人排队.....所以就打消左呢个念头。之后见到豪大大隔离有间唔多显眼嘅舖头仔，传黎阵阵嘅香味，立即走上前睇下系咩黎。见到系一间卖鱼蛋嘅舖头，仲有三种辣汁比大家拣，舖头嘅墙上痴满周刊报导，苏丝黄都话辣汁好味咁，真系估唔到咁隐世嘅店舖原来系咁出名。见到有香肠就叫左一串，要小小辣嘅辣汁，未食入口已经闻到好香嘅辣味，系闻得出佢系由好多香料煮成。虽然只系小小辣，但对我黎讲辣味已经好够，仲有少少嘅甜味，个种香味系有别于出面嘅辣汁，出面嘅汁系得个麻味，完全冇辣嘅香味，呢度嘅辣汁直头令人一试难忘，只可惜我已经食得好饱如果唔系我一定食多几串。下次黎到路德围呢度一定系我不二之选。