煮打菜打冷小菜館 (已結業)

今日同屋企人去花展，過開香港島，就喺嗰邊覓食啦！之前有屋企人食煮打菜打冷小菜館，話好好食，所以今日就去試下！餐廳環境都唔錯喎，同平時食小菜嘅餐廳差唔多，佢午市都幾多人架，但店員嘅服務態度非常之好！值得一讚！原來都幾多選擇下，我地打開menu,發覺佢除咗有傳統嘅潮州打冷菜之外，仲有好多家常小菜俾我哋揀，估唔到仲有雞煲添！但有啲可惜嘅係，我哋晏晝過嚟食，就冇得食滷水！ 真係影都影唔哂！ 我哋叫咗個雞煲半隻，雞煲會附送生菜，所以大家揀咗雞煲就唔好再揀菜喇， 我哋仲追加左一個烏冬，估唔到烏冬嘅份量非常之多，真係要多啲人先好嗌呀！雞煲味道非常之濃郁，就算之後加咗湯，都仲係有好重嘅雞煲味！另外，我哋仲叫咗個小食，一口豆腐，佢嘅一口豆腐做得十分之好，外脆內軟，好值得一試！鍾意食打冷嘅人不妨呢度一試！