牛品台式火鍋

营业中

休息中

今日經過尖沙咀見到呢間食台式火鍋，見到有好多特色嘅湯底可能選擇，店員話食晚市牛御品套餐，仲會送春陽茶事嘅台式飲品一杯，所以就入去試吓。我地叫咗牛品一品鍋湯底，個湯勁濃牛味，好香，入面仲有牛肚，牛筋等，幾正，而呢個餐牛嘅款式都幾多，d牛嘅質素都幾高，片片牛肉都有雪花紋，脂肪分佈好均勻，食落好重牛味，好淋滑，呢個餐仲每人送一隻鮑魚，勁大隻，非常新鮮，仲有好多新鮮火鍋配料，例如，新鮮花枝滑，蝦，蜆，餃等，熟食就有好多台式小食，例如鹽酥雞，炸花枝丸等。出面仲有大量火鍋配料，台式熟食區同飲品區，款式都幾多。呢度仲有DIY飄雪綿綿冰,可以喺甜品吧果度加芋圓，愛玉，仙草，雪糕等，我就比較鍾意食芋圓糖水，所以喺甜品吧果度自己整咗碗芋圓，勁正。