Allegretto (已結業)

中午時份去中港城傾啲野，走嘅時候去到平台見到落緊雨，又見到有間新嘅 coffee shop，於是入去睇吓有冇野啱食，居然有新發現。食物嘅選擇唔算好多，沙律、三文治、Panini每樣只有幾款選擇，但係樣樣個樣都超新鮮，於是決定就地開餐，落雨濕濕唔再去第二度搵食，最後揀咗一份西芹蘋果粟米煙鴨胸三文冶同埋要咗一杯Cappuccino。先講杯Cappuccino，第一樣同其他連鎖店唔同嘅隨杯附送一塊餅仔，好有歐洲 feel，至於杯咖啡，唔單止有拉花，入口亦好有咖啡味，並唔行貨。至於份三文治，全麥包咬落去好軟熟同好有口感，仲好似食到一啲果仁咁，至於啲餡料，一層係好新鮮嘅火箭菜，中間一層係煙鴨胸，另外一層係西芹蘋果粟米沙律，好新鮮嘅配搭，西芹本身的味道很重,但係蘋果、粟米同埋沙律醬中和了西芹的味道而且出奇咁配合，加埋煙鴨胸和火箭菜，食落好fresh 好特別，還中和了火箭菜原來的苦澀味，相當唔錯同健康嘅選擇。