茶木‧台式休閒餐廳 (已結業)

曾經去過台灣一間不知名台式cafe，對其牛肉麵和珍珠奶茶簡直念念不忘。牛肉麵湯底帶微辣和香濃香料味，牛肉又淋又入味，麵質彈牙(台灣人所講的Q，大概不止彈牙咁簡單，不知如何形容)，珍珠奶茶有獨特香味(糖精味? :-P)，香港冇一間聲稱台式食肆食得番。(最接近係鼎泰豐牛肉麵，不過都爭少少。) 可惜那間食肆只是偶然遇上，台灣的路又不熟，再找也找不到了...今日到人氣食肆茶木一試。六點前到剛好唔駛排隊，之後就出現一條越來越長的人龍。餐牌係雜誌格式，仲有關楚耀D相，唔睇真D真係以為係飲食雜誌!食肆裝修甚有特色，不少西式裝飾品但整體上還是較似日式cafe的精緻，始終台灣年青文化有不少日本影子。叫咗牛肉麵，豬軟骨麵，黑糖珍珠奶同士多啤梨雪糕多士(餐牌上應該有D特別D嘅名，不過唔記得咗)。湯，對辧了，夠濃郁，叫咗原味所以就算唔辣都可以接受。可惜牛肉同豬軟骨只夠淋不夠味，麵條稍硬不夠Q。黑糖珍珠奶味道配合得好只是較細杯。以為呢度同其他cafe一樣甜品質素較佳，點知大失所望！呢度侍應煞有介事咁話甜品等食完主菜先叫，連叫定後上都唔得，以為佢哋想確保甜品即整好即食等客人食到最佳質素，點知個多士上枱時係凍嘅！於