丸十寿司日本食堂 (已結業)

今日約咗朋友到達朗豪坊丸十壽司食日本菜，全場滿座！睇嚟大家都好掛住日本呢😂今次我哋坐吧枱，一邊等食物，一邊睇住廚師工作😉值得一讚係所有職員親切有禮，向我哋介紹廚師推介及其他食物時語氣輕鬆愉快，成餐飯的服務十分良好，好值得加分瞬間燻裝鮪魚腩賣相一流，等幾秒拎開張薄紙，啲煙就湧晒出嚟，魚腩就有濃郁嘅煙熏味，配上廚師特制嘅柚子醬汁，唔使點醬油都好好好好鮮味呀！👏🏻👏🏻丸十究極之卷又係另一浮誇之作，本身我以為係海膽壽司，上枱之後直頭嘆為觀止，首先最頂係魚子醬，然後係海膽，再落係吞拿魚腩蓉，跟住係帶子刺身，壽司飯入邊仲有蝦每層都好鮮味，食完飽到好似食咗四碗飯咁！叫咗安格斯西冷扒俾唔食生野嘅朋友，牛扒五成熟，配上特製醬汁，蒜片同沙律，朋友表示好滿足😋海洋之盒就有五款海產串燒，最出色係燒大蝦同魷魚👏🏻👏🏻燒珍寶海鮮扇貝盒就有兩粒大扇貝，上面舖上燒到好香口嘅芝士沙律醬，好好味呀！丸十除了食物出色之外，環境氣氛同職員態度都令人可以好好輕鬆享受晚餐嘅時光，真係好期待下次再嚟呀！