校長燒肉日韓料理 (沙咀道) (已結業)

校長燒肉呢個名聽得多，終於有朋友相約我去食，可能我事前功課冇做足，本身以為只有燒肉，點知去到原來又有火鍋又有刺身，係surprise既！😍食物花多眼亂，先講熟食：有六至七款炸物，當中的正方形炸雞件好香口，有不同嘅菜，豉椒炒蜆正，湯都有三款，又有冷盤啊沙律啊，仲有刺身十款，其實如果呢度全部每樣試啲都已經飽咗一半。到燒肉個part先精彩，淨係肉類都已經接近四十款，一啲都無誇張，另外丸類啊腸仔啊都成二十款，我諗要全部試晒嘅話要黎多幾次先得，個人推介有燒肥牛、雞腎、香茅雞翼、甜番薯仔同埋黑椒豬扒等等，另外侍應會每檯送上豬腩肉，蠔同埋靚靚手切牛🥰其實食到呢度已經好飽，我同朋友根本試唔到火鍋，感覺有啲蝕，我哋誓要下次再嚟挑戰！最後梗係有個happy ending啦，甜品都多到有排揀，小蛋糕、不同口味嘅啫喱、布丁、生果、接近10款雪條、雪糕、仲有自己擠出嚟嘅乳酪雪糕，枱面有八款配料俾你加，見到都開心！