麻辣風雲 (荃碧大廈) (已結業)

｛椒鹽魷魚鬚$148｝拍得住出面知名大排檔嘅水準，啲椒鹽多到好似唔駛錢咁，而且粉漿好薄 魷魚肉飽滿，食落去超級鬆脆，惹味非常 令人好想即刻配返支啤酒。｛酸菜魚 $268｝不論辣度、酸度同麻嘅level都有得揀！係我見過最客製化嘅酸菜魚。穩陣派嘅我揀咗正常辣正常麻正常酸，感覺上係酸>麻>辣，唔食得辣嘅都容易接受到。魚肉好夠多又冇細骨，大大啖肉食都唔怕 超爽！魚肉鬆軟肉質絲滑。湯底仲有唔少配料，例如萵荀、豆芽、粗薯粉，薯粉唔洗問一定係絕配！｛手撕包菜$98｝食咁多熱氣同重口味嘅食物，本身純粹諗住叫啲菜嚟清吓腸胃，點知又幾好味。啲菜夠新鮮 食落好清甜，加埋啲辣椒嚟調味 完全唔會覺得寡悶。