強記大排檔

营业中

休息中

屋企人生日，话想食打冷野，就谂起上水街市上面夜晚有间强记大排档，食过唔错，就食过返寻味啦！上到去见已经好多人，不过因为成层都系佢经营，所以都揾到位！一坐低就有伙记黎讲有咩推介，又话四川野出名，好殷勤招呼！不过因为我同屋企人都唔食辣野，所以都系叫Ｄ家乡小炒就ＯＫ！我见沙拉骨系「龙虎榜」入面排第一，就叫沙拉骨啦！果然系非叫不可！每块都好入味好淋唔硬，Ｄ沙律酱好够味！食打冷当然要叫卤水拼盘啦！可惜无晒鹅片，呢个系例牌，腩肉好多好好食，仲有鹅肠都好味，不过鱿鱼同红肠少Ｄ，多返Ｄ更加好！然后再叫碟西兰花炒鲜鱿，两样野都好新鲜！仲叫多碟红烧豆腐，好多旧，旧旧都大件抵食！好丰富一餐！