Dodam Chicken (1亞太中心) (已結業)

我和朋友去行完apm，時間又差不多晚飯，而且都有啲肚餓，咁就去咗亞太中心搵食，上到三樓就見到Dodam Chicken門面好靚好有韓國feel，咁就入去坐下啦，估唔到仲有窗口卡位坐，坐落都好舒服；個餐牌有好多圖片，真係看圖點菜啦！咁我哋好快趣咁就點咗個雙重芝士麵包辣烤雞，同埋一個招牌沙律；個沙律嚟到嘅時間上面洒滿芝士粉，食落都好香口，啲菜都好新鮮，要嚟醒醒個胃，就最啱；嗰個火山包芝士雞嚟到嘅時候都幾特別，中間個包原來用提子麥包做嘅，食落都甜甜地，幾有趣；啲雞粒都算淋，加埋啲韓式辣醬和年糕做配菜，食落辣辣地甜甜地；仲有一細碟嘅酸蘿蔔；食落啲雞都有啲辣但係有酸蘿蔔送返，就完全唔會傷胃；整體嚟講啲嘢食都幾好食，環境都唔錯，真係有少少覺得去咗韓國嘅感覺。