大瀛喜日本料理 (已結業)

依家要食好野真係要係下午食晒佢😂同朋友為咗唔使煩食咩，揀左咩都有既放題食😎保證大家都岩食😆穩陣之選。食物選擇都好多，飲品既種類都比較上多，有花茶、消濟既綠茶等等，當然仲有啲大路既飲品。自助小食區方便，一d都唔求其。有小龍蝦，螺肉，仲有中華沙律。呢度落單好方便，用qr code就可以落，份量細細碟，大家可以樣樣都試吓，感覺好豐富😋食放題當然要食刺身😍三文魚、赤蝦、北寄貝、鮑片、八爪魚片、希靈魚。全部都好新鮮！赤蝦好甜，值得叫！其他刺身都好肥美😍燒物炸物方面選擇多得黎全部都好有心機。當中西京燒比目魚同燒三文魚鰭燒得好嫩滑，外脆內軟，魚肉好滑。其他炸物都好新鮮，全部熱辣辣送上枱🤩搞到個口好繁忙，個心又亂，樣樣都好想即刻食😆芝士龍蝦沙律多士都係值得推薦嘅一款，個脆脆底好趣卜卜🫓好香口另外，各位女士必定要叫嘅 吉品鮑汁扣花膠 💧花膠意想不到地好大件🌟仲好入味，並唔係上枱先加d汁落去，仲要好滑好有口感，食落好有誠意。