Star Kitchen (已結業)

見到間好有特色嘅餐廳，停低睇一睇，見到啲菜式仲特別，就入去試下。愛爾蘭傳統香酥鴨 (套餐)，個套餐包括餐湯、沙律、主菜、餐飲、甜品。餐湯係忌廉蕃茄湯，味道酸酸甜甜，好香蕃茄味，雖然細細碗但係好好飲。沙律係好似一般田園沙律咁樣，再配一個日式胡蔴醬，食出啲沙律菜好新鮮好爽脆。愛爾蘭傳統香酥鴨，就係手撕鴨肉絲，仲有配菜喺生菜、紅蘿白絲、青瓜絲，食法就係將鴨肉絲放落生菜度，再放入紅蘿白絲、青瓜絲，再放少少甜醬跟住食，味道好豐富，好似片皮鴨咁食但又唔會有片皮鴨咁膩，又香口又清新。甜品係有桃喺裡面嘅芒果布甸。我揀嘅餐飲係凍檸檬茶。