新沙洞大排檔 (好順景大廈1座) (已結業)

通常食韓菜都會去尖沙咀韓國🇰🇷街，估唔到元朗開咗間咁有特色的韓式餐廳，門口已經好搶眼，裏面裝修好colorful，色彩繽紛的枱櫈，還有牆上的韓星海報及霓虹燈，大電視，好有特色似去咗韓國。佢哋嘅韓式五花腩配生菜🥬包，同一般好唔同，肉已經燒好咗放在鍋內可再加熱，按你鐘意的程度再燒熟。可以好放心肉一定夠熟。五花腩肥瘦相間，燒烤後口感更佳，再配上新鮮生菜包起黎，脆脆嘅口感配上肉香，真係一絕！另外，下酒菜必備的海鮮葱煎餅🫓亦十分好味。餅皮煎得酥脆，餡料充滿海鮮鮮味同蔥香，唔會好油或好粉，入口乾身脆囗，配合韓式醬料更加等味。而餐廳嘅招牌原粒蜂巢蜜米酒同桃味燒酒特飲亦十分值得一試，酒味香濃，入口滑順，餐後飲一杯十分解膩。另外，醬油八爪魚🐙新鮮煙靭，配上爽口的沙律菜，口感清新。而韓式水冷麵🍜亦好開胃，麵條爽滑，配料豐富，湯汁清爽，好適合夏天食用。甜薯芝士條外脆內軟，口感豐富，芝士🧀️還有拉絲效果。韓式餃子🥟亦十分出色。餃子皮薄餡多，餡料鮮美，口感豐富。呢間韓式餐廳價錢唔貴又好食絕對值得一試。而且環境乾淨企理，服務好周到，三五知己放工聚下嘅好地方。