泰絕

营业中

休息中

呢排未有機會去泰國旅行，但心思思又想食泰國野，見到呢度介紹個船麵好吸引，就過咗嚟試吓。正宗曼谷‘三口’船麵招牌豬肉蛋麵呢個係撈麵，個醬汁又少少辣又有少少甜，好開胃，有豬肉同豬肉丸，兩樣餸都幾爽口。招牌牛腩河 & 招牌牛金邊粉兩碗個湯底都超濃郁同有啲辣，特別推介個牛真係好淋同入味，河粉好滑身。原來香港都可以食到咁正宗的泰國街頭船麵👍👍蟹肉奄列份量超大，一切開入面好多蟹肉，仲要係啖啖肉，個蛋煎得好香。牛奶烤豬肉（2串）呢個完全做到係曼谷夜市食的水準，配埋個酸酸地嘅青瓜食，平衡返個油膩感。手打炸蝦餅有六大塊，熱辣辣，咬入口真係食到有爽口彈牙嘅蝦肉，好好食。柚子蝦沙律又係份量大大碟，柚子好清甜，配合埋個泰式酸辣醬同新鮮蝦加腰果食，口味口感清新。芒果沙冰好大杯清甜，芒果味好濃郁。手打雙重檸檬綠茶清新的口感，好啱食泰國菜飲。估唔到呢到的食物做到好有泰國地道感覺。